洛辛堡打沉莫迪保「錢」途

猪拉多纳

洛辛堡今晚喺挪超主場對上季冠軍莫迪，1.9倍主勝不妨玩吓。最近歐洲轉會市場重開，洛辛堡係時候出貨搵錢，據講些路迪睇中佢哋嘅「新軒歷拿臣」，為咗賺轉會費，相信洛辛堡會諗計打沉莫迪，話畀些路迪知買人要趁早！

（開賽時間：周一凌晨2:00）
些路迪想買「新軒歷拿臣」

現時洛辛堡落後榜首嘅史卓加斯特7分，距離今場對手莫迪6分，唔贏隨時要提早扯白旗，鬥心唔需要懷疑。最難得係，些路迪打算將價值800萬鎊嘅南韓國腳寄誠庸出售，再用250萬鎊收購洛辛堡嘅挪威新星馬古斯軒歷臣頂佢個位，假如洛辛堡想嗌高啲價，砌低莫迪捧紅馬古斯軒歷臣係最直接辦法。

對家莫迪自從教頭蘇斯克查否認離隊後，成班球員就好似食咗瀨尿牛丸咁爆發，連盃賽近11戰9勝2和，包括喺挪威盃主場以4:3打爆洛辛堡，但唔好忘記，莫迪近4次作客洛辛堡得1和3負，3次落敗都係輸1:3，有份為洛辛堡入過波嘅艾法臣同派加現時依然在陣，話唔埋又做莫迪剋星o架！