國際杜古守「細」波抗川迪

猪拉多纳

「國杜」誓創歐霸奇迹！抄足國際米蘭嘅芬蘭「一哥」國際杜古，今晚將會喺歐霸盃第2圈外圍賽次回合，喺主場迎戰荷甲球隊川迪，有1個作客入球喺手嘅「國杜」今場只要守住不失就可以爆冷踢走川迪，一於捧2.1倍入球細啦！（開賽時間：周五凌晨0:00）

1990年先成立嘅國際杜古，無論球會名定波衫都同國際米蘭如出一轍，但呢支「偽國米」絕對唔嘢小，就算上季神射手凱維特已經轉投英超修咸頓，仍喺首回合憑住被教練特拉格斯馬形容為「上任以嚟守得最好」嘅表現，作客爆冷賽和川迪1:1兼拎到作客入球，今場擁地利，一定會繼續大打防守足球，入波又點會多先？

川迪雖然普遍被睇高一線，但係主力射手盧克迪莊啱啱被賣咗去慕遜加柏，新簽嘅俄羅斯前鋒布利堅又未必咁快出得，想開大？都係留番下次啦！

首回合：國客和1:1