|
|
浦和紅鑽、磐田山葉兩支冇乜受倫奧影響嘅日職隊，今日响埼玉球場交鋒，應該又會互相搏拳，1.8倍入球大抵博。（now633及660台周六下午5:00直播）
由於係得磐田少咗件白成東去踢奧運，浦和、磐田今日可以派出現有最佳人選踢呢場日職前列大戰。排第3位嘅浦和，最近6場聯賽、盃賽都冇輸過，而且梅崎司、原口元氣呢幾件（o靚）仔愈戰愈勇，平川忠亮又復出，今日主場出擊，贏面確係可以睇高半線。
雙方交手例開入球騷
但係你咪睇作客嘅磐田山葉，有山本康裕、松岡亮輔兩個中場球員養傷，前鋒金園英學打埋柴，近排表現又比較飄忽，就批死呢支嚟自靜岡縣嘅球隊冇料到，佢哋排得响聯賽榜第4，就證明戰鬥力唔曳，尤其是兩個禮拜前，磐田由城南一和收購咗南韓國腳韓相雲，呢個前鋒突破能力好強，多咗佢拍住前田遼一，磐田又可以踢番雙箭頭嘞。
由於呢兩班波過去13次响埼玉球場較量，有9次開出入球大，就算開細都未試過冇入球交收，撞正浦和班細路夠fit，磐田又加咗件好前鋒，今場波唔博開大仲博乜？ |
|
金睛卡
发表于 2012-7-28 08:54
变色卡
显身卡
楼主
