|
|
B組率先上陣有墨西哥男奧足對加蓬男奧足。墨西哥球員腳法唔差，而且行軍速度甚高，但今次遇到非洲球隊加蓬，墨西哥未必有太大優勢。實在非洲球員相當早熟，論身體質素絕對唔輪蝕，相信今場同墨西哥有得鍊，加蓬受讓，巨高捧「讓球客勝」。
（周日晚9時30時開賽）
墨西哥之前喺土倫盃踢得好，所以唔少人都睇好呢支中美洲球隊，有能力爭取奧運金牌。但以首輪賽事所見，墨西哥呢班小國腳尚欠火候，尤其係門前把握方面仍有待改善，今場要向對手讓波就有一定風險。加蓬首輪賽事對瑞士有唔錯演出，球員體力及速度都唔差，絕對有能力向墨西哥帶來威脅。需知道奧運腳年紀較輕，喺戰術方面未必做得咁完善，好多時都係鬥衝鬥湧博對手大意犯錯。若果唔覺意畀加蓬先取入球，墨西哥都幾麻煩，今場不妨揀「讓球客勝」。
南韓o趙到瑞士
同屬B組，較後時間舉行有南韓對瑞士。南韓已取得多場不敗紀錄，似乎近態不俗，取勝機會必在瑞士之上。射手朴主永効力阿仙奴有英超經驗，另外些路迪寄誠庸及新特蘭池東沅都好有質素，今場應佔盡上風，捧「讓球主勝」。（有線63及203周一凌晨零時15分直播） |
|
金睛卡
发表于 2012-7-29 08:42
变色卡
显身卡