聖日耳門明搶巴塞

猪拉多纳

周日凌晨有場重量級熱身賽，法甲富豪球會巴黎聖日耳門主場擺擂台鬥西甲勁旅巴塞隆拿。聖日耳門比巴塞早開操，狀態較佳快入局，而且佢哋陣中粒粒皆星，爭位情況嚴重，球員為搏表現唔會揸流攤，巴塞隆拿作客讓波，捧「讓球主勝」。（now 632周日凌晨1時45分直播）

新一季法甲比西甲早一個禮拜開鑼，聖日耳門較巴塞早開操亦屬理所當然。聖日耳門早前去咗美國集訓，兩場熱身賽先後以一比一打和車路士及華盛頓聯隊，表現不過不失，但對教練安察洛堤嚟講最開心係睇到伊巴謙莫域首次上陣有士哥。安帥上任後致力將球隊意甲化，依家陣中好多球員都曾於意甲搵食，相信一班新兵好似伊巴、拿維斯喺適應方P:面絕對冇問題。

聖日耳門近年大事擴軍，無可避免要面對兵源過剩問題，冇上陣機會嘅可能會離隊，選擇留低嘅就要把握機會表現自己，所以一班邊緣球員踢熱身賽一樣照搏，今場仲有主場之利，有力立於不敗之地。
巴塞狀態未Ready

巴塞隆拿近兩場熱身賽全勝，美斯、阿歷斯山齊士都有士哥，不過陣中西班牙國腳歸隊只有一星期左右，狀態應該未十足，加上韋拿、佩奧爾傷愈不久，新兵佐迪艾巴亦有傷在身，戰鬥力難同巔峰時相比，「讓球主客和」巴塞讓波，建議捧「讓球主勝」。