仙台爭榜首唔放過水手

猪拉多纳

士氣呢樣嘢，真係好奇妙。仙台維加泰今晚喺日職主場對橫濱水手，1.88倍主W值得吼實，雖然佢哋連榜首都冇埋，但對家橫濱水手更麻煩，原本確定被趕扯嘅狩野健太，竟然因為洩露轉會消息，臨走前都要被內部懲罰，咁冇人情味搵邊個搏呀？（now633及660台周六下午5:30直播）

仙台傷兵問題困擾，搞到近5場聯賽得1勝4和，雖然中場富田晉伍、後衞角田誠同上本大海仲未好番，但至少入選過日本國家隊嘅翼鋒關口訓充傷愈，連續4場後備上陣，呢場佢隨時發威，助仙台重返榜首。
水手中場臨走都畀人罰

對家橫濱水手高層出名要求高，不過最令人心寒嘅係由05年出道効力至今嘅中場狩野健太，近期被賣豬仔送到福岡黃蜂，佢諗住同老友道別之際，點知佢老死竟然喺自己嘅網誌率先爆響口，「公開」轉會消息，搞到狩野健太被水手禁止練波3日，臨走硬食一棍，睇怕其他水手球員見到，都唔慌有心情搏殺。