阿積士讓唔起燕豪芬

猪拉多纳

今晚荷蘭超級盃有上季荷甲冠軍阿積士，決戰荷蘭盃盟主燕豪芬，就熱身賽成績嚟睇當然係主隊阿積士秤先，但係教練法蘭迪保亞講明主力唔會全部上陣，陣容唔完整迎戰實力相若嘅燕豪芬，未必讓得起，一於要1.75倍「讓球客勝」啦！（開賽時間：周一凌晨0:00）
防中維頓漢轉投熱刺

唔好睇阿積士7場熱身賽贏6場兼勁入27球，就以為佢哋今場可以輕鬆大勝，教練法蘭迪保亞講明班球星唔會全部落場，當中包括狀態未足嘅兩名歐國盃戰將雲達韋爾同埋基斯甸艾歷臣，何況防守中場維頓漢已經轉投熱刺，阿積士到依家仲未搵到合適嘅替補，令人擔心防線會變成「冇掩雞籠」，前線入埋都唔夠後面輸。
燕豪芬熱身賽未輸過

燕豪芬領隊艾禾卡特將雲邦美帶「回家」做隊長，呢位出名勇悍嘅防中雖然已經35歲，但係要應付水準只屬歐洲次級嘅荷甲賽事應該冇問題。燕豪芬季前亦積極練兵，喪踢9場熱身賽，仲要全部保持不敗，兼且贏過畢爾包同賓菲加添，對住殘陣嘅阿積士，絕對頂得住唔輸！
荷蘭超級盃賽制：

以一場過分勝負，若法定時間內打成平手，不設加時，直接互射12碼決勝。