巴西喪攻墨西哥中獲全勝

猪拉多纳

市值高達30億港元嘅「森巴兵團」，誓要創造歷史，奪取讓國史上首面奧運男足金牌！巴西及墨西哥男奧足決賽會師溫布萊，巴西質高態勇場場入3粒，決賽繼續全場喪攻，全球都唱好佢哋Ｗ得；對手墨西哥連續兩場開大，有力同對手合演入球騷，捧巴西W外，可兼投大盤！（有線63、203及18台周六晚10時直播）

據網站transfermarkt估計，今次巴西18人大軍，總值3.85億美元（約30億港元），可以想像球隊有幾咁星光熠熠。球隊中前場更加可以用「恐怖」嚟形容，尼馬、李安度達美奧狀態托弗，而剛宣布來年轉投巴黎聖日耳門嘅盧卡斯洛迪古斯，以及奧斯卡杜斯山度士都有料到，連侯克、柏圖、甘素都要打後備，難怪球隊由分組賽至今共踢5仗，場場都入3粒，隊波咁順，領隊文奴文尼斯將繼續以攻代守，一於開場攻到完場。對巴西而言，此場決賽的確好緊要，但「森巴兵團」有超班之勢，相信墨西哥唔會阻到佢哋奪取金牌，巴西只要踢出應有水準，入波一定唔會少。
墨西哥唔會同你守

墨西哥踢法細膩，球員鍾意搓波，憑小組入楔進襲對手，近4仗轟入8球，攻力絕對唔差。雖然主力射手杜斯山度士今戰因傷缺陣，但奧利比柏拉達等都有士哥能力，事實上巴西後防唔算穩，故捧森巴兵贏波摘金之餘，大盤亦值得一試。