撐紅軍開季做起個細

猪拉多纳

球迷喺今個夏天認真開心，先有歐國盃後有奧運，而話咁快新一季英超又開鑼，真係好波停不了，而度士好開心可以喺度繼續同大家傾吓波經。識度士嘅朋友都知我係利物浦長期忠實粉絲，去季名宿杜格利殊坐正帶隊，雖然成績一般，但其實踢得唔曳，最後杜帥被炒，度士都戥佢可惜。不過球壇係現實嘅，但舊嘅唔去、新嘅唔嚟，新領隊羅渣士應該可以帶畀紅軍一番新氣象。呢名北愛教頭去季聲名鵲起，教史雲斯盡顯功力；只要紅軍班球星聽佢支笛，必能踢到悅目小組足球。
獲兩大菠菜公司贊助

自美國老細約翰亨利買下紅軍後，班波於商業拓展方面明顯有進步，早前同汽車公司簽約，新近又同兩間菠菜公司Paddy Power及188BET傾掂贊助，一切都向正確方向邁進。但正所謂萬事起頭難，新季首仗肯定惡踢，今輪作客西布朗唔易啃，博紅軍W似乎有啲冒險，捧細盤好過。

（有線301及201台周六晚10時直播）

至於另一場史雲斯作客昆士柏流浪，客軍今屆冇咗羅渣士同祖阿倫，一時三刻難以適應，QPR主W好路！

（有線303及203台周六晚10時直播）