打諾水狗 富咸W得

猪拉多纳

今日英超回歸，細鬼當然高度重視，其中富咸主場鬥諾域治好值得同大家研究研究。諾域治本季有領隊林拔過檔阿士東維拉，「金絲雀」好難再飛得起，實而不華嘅富咸贏得！（有線302及202台周六晚10時直播）

去季英超升班球隊表現不俗，諾域治踢法或者唔夠史雲斯咁好睇，但佢哋夠團結有隊形，十上十落好機動，明顯係訓練有素，呢個功勞當然係歸林拔。睇番「金絲雀」人腳，夠班踢英超嘅唔多，依家林拔離開，球隊難免影響表現。新領隊曉頓雖然唔差，但球員肯定要時間適應。

另外，好欣賞富咸領隊祖爾，佢一直擅教中型班，今夏引入洛達列加同柏歷兩名射手，球隊攻力有增無減，而且行軍速度會比以往更快速。今晚鬥諾域治，富咸將以快攻打「雀」，主W可期。