角球投X錦囊

猪拉多纳

a.球隊踢法

一支球隊如果側重邊線進攻又有好翼鋒，博得角球機會自然大增，上季角球數目最多嘅利物浦、熱刺、曼聯陣中有達寧、艾朗連儂、加里夫巴利及艾舒利楊格就係好例子。
b.強隊對強隊

通常高手過招只要有比數出現，大家都會踢得更進取，以上季曼城、曼聯及車路士三隊對賽為例，除車路士首循環對曼城之外，其餘五場總角球數目都達雙位數。
c.球隊於主場同作客有冇分別

大部分球隊主場出擊都踢得較主動，攞到角球機會自然多，不過原來諾域治係上季唯一一支作客角球數目多過主場嘅球隊，另外兩支升班球隊昆士柏流浪、史雲斯主場、作客差距亦唔大，值得留意。
d.弱隊作客強隊

假如以上季降班3弱作客榜首3強去睇，共9場波其實只得2場角球數係單位數，始終勁旅圍攻角球多，博角球大啱數。
e.唔識入波球隊對壘

上季英超入球數排名尾3分別係史篤城、維拉同狼隊，呢3隊共6場對壘，有5場角球數去到雙位數，始終大家齋攻唔入，梗多角球啦！
f.攻防戰

爭標分子撞正護級分子注定係攻防戰，角球必多，上季共有13場總角球數超過20個，最經典必要數到煞科戰曼城主勝昆士柏流浪，全場19個角球都由曼城炮製。