|
|
法國繼首場作客小勝芬蘭一粒之後，今晚就會喺世界盃I組第2輪主場迎戰白俄羅斯。由於近兩屆大賽都出現內訌，法國新帥迪甘斯接手後首要任務就係執正紀律，現階段亦初見成效，今場撐法國1.63倍半場主勝。
（now714台周三凌晨3:00直播）
還記得2010年世盃，當時法國有艾拉帶頭罷操，搞到要總統薩爾科齊出嚟調停，到今夏嘅歐國盃，拿斯尼又爆粗鬧記者，畀足總罰停賽同沒收獎金，呢兩件事都令法國足球形象插水。迪甘斯接手後，除咗雪藏麻煩友拿斯尼外，被口頭警告嘅馬維拿同賓艾化亦冇入選，隊長亦由艾拉換上門將洛里斯，睇得出迪甘斯重建國家隊嘅決心。
白俄由巴迪球員孭飛
白俄羅斯今次由歐聯奇兵巴迪球員孭重飛，前鋒哥尼蘭高、後防古爾治呢啲國家隊主力都有入選，雖然佢哋上屆歐國盃外圍賽兩循環對法國都攞到4分，但當時嘅法蘭西風雨飄搖，同依家完全係兩班波。預期法國實趁住主場一開波就撳住對手嚟攻，不妨直取1.63倍半場主勝。
歐洲區I組 |
|
金睛卡
发表于 2012-9-11 10:39
变色卡
显身卡