錫周三打保大無畏

猪拉多纳

研究今晚英冠，阿King簡直心水滿瀉，其中將重點推介錫周三主場鬥保頓。「貓頭鷹」今季升上英冠，打正旗號打開放足球，踢法有前冇後打死罷就，聯賽六戰全大！「地頭蟲」保頓作客亦中門大開，今場癲鳳鬥狂龍，點可以唔捧大。

（周六晚10時開賽）
保頓冇態狂失波

錫周三由前卡迪夫城領隊戴夫鍾斯執教，以前佢都冇咁進取，但轉飯鑊後就義無反顧採取主攻打法，本季已多次同對手演入球騷，六場聯賽就次次開大，有留意開嘅相信已經執唔少。經過三連敗後，「貓頭鷹」再於主場出擊冇理由唔攻。保頓近期狀態頗曳，全因後防唔掂，近五場狂失十球均開大盤，咁好路必追。

列斯聯主場對諾定咸森林，主隊前鋒羅斯麥哥馬克受重創長抖，而神射手比治奧亦上陣成疑；森林本季聯賽仍未輸過，受讓梗係捧「讓球客勝」。另一戰米禾爾主場對白禮頓，客軍四連勝弗到爆，作客點會赦米禾爾，平手盤捧客軍。