杜伊斯堡 湘南比馬做細界

猪拉多纳

邊個地方最多歐洲次級聯賽睇？香港可能係其中一度，過往因為英國波情意結，英冠曾經有過直播；因為祖雲達斯降班，我哋睇過意乙；到今季唔知係買大送細定其他理由，連德乙都有得睇。今日係追月，正所謂每逢佳節倍思親，講到尾筆者都係掛住冇直播嘅意甲多啲。
哈化柏林踢法保守

上周有幸睇過哈化柏林嘅德乙賽事，發現隊波降咗班都咁有星味，一對射手辛度華拿同埋阿祖安拉莫斯都有過德甲經驗，降格乙組明顯超班，但佢哋嘅打法都幾保守，衰啲講句就係悶，結果剛戰雖然5分鐘就領先特雷斯登，點知到尾都係1球僅勝，睇番佢哋今季戰績，連盃賽8戰都未試過入多過兩球，火力相當一般，今晚作客近4戰入得1粒嘅杜伊斯堡，2倍入球細抵玩過1.83倍客W。

（開賽時間：周二凌晨2:15）

受颱風杰拉華影響，原定昨午上演嘅日乙湘南比馬對熊本羅亞素，會改喺今晚補賽，由於場地受過天雨影響，雙方發揮必受影響，估計入球未必會多，況且湘南近12次主場賽事有11場開細，今場不妨再追。

（開賽時間：周一晚6:00）
足球重心：湘南比馬（入球細）、杜伊斯堡（入球細）

馬膽推介：7場(11)多采多姿

雖然已屆6歲，評分亦創出新高，但「多采多姿」上仗贏馬姿態卻喜見進步，今仗負超輕磅對住一眾未熱身嘅摩廐熱門馬，有權再爭佳績。