斯巴達sharp醒有路捉

猪拉多纳

歐聯G組賽事俄羅斯勁旅莫斯科斯巴達主場對蘇超班霸些路迪，斯巴達上次作客巴塞僅敗贏盡口碑，呢班波本身主場仲惡，今次對手級數唔算高，佢哋讓到半一至一球，盤口硬淨，有望喺分組賽贏波開齋！

（有線61及201台周三凌晨零時直播）

俄羅斯球隊以往多數靠主場冰天雪地凍死對手，不過，莫斯科斯巴達喺今屆歐聯分組賽首戰作客巴塞打出超水準，最後僅輸二比三，已經好犀利喇！斯巴達今次對手換成些路迪，仲要有埋主場優勢，形勢完全唔同晒，唔少行家都認為呢班波贏面好高，讓波都唔怕喇，要上盤！
華倫搏殺「大」起里爾

同日西班牙勁旅華倫西亞主場對法甲球隊里爾，華倫首戰輸畀拜仁，對手實力太強，輸都冇計，今次回師主場一定會全力搏殺，預期會狂攻對手。里爾近年於法甲表現穩定，今季雖然有啲主力走咗，但戰鬥力仍然唔弱，都有啲反抗能力，呢場相信會多入波，大盤值得留意。

另外，英超勁旅車路士作客洛斯查蘭特，車仔今季進攻改善咗，但後防唔多穩定，今次對手弱，佢哋一定會繼續攻，估計入波唔會少，要大盤。
肥叔心水

莫斯科斯巴達上盤

薩克達下盤

車路士上盤

華倫西亞大

賓菲加下盤、大

克魯日大