巴西「W」伊絲執

猪拉多纳

巴西今晚喺熱身賽主場對伊拉克，最大焦點係昔日國家英雄薛高，會倒轉槍頭帶領伊拉克倒戈出戰。可惜薛高教波功力有限，唔似惡得出樣，反而巴西有尼馬完全進化，踢出「尼馬Style」征服全世界，仲有卡卡闊別兩年回歸國家隊拱照，「讓球主勝」抵捧！

（開賽時間：周五凌晨2:30）

經過上場作客以0:1不敵日本後，現時伊拉克喺世盃外圍賽亞洲區「10強賽」分組賽得2和1負，嚟緊主場大戰澳洲再冇失分空間，呢場當然唔敢亂搏，特別係伊拉克隊長兼射手尤尼斯唔可以受傷，要知道伊拉克前線乜都靠晒佢，就住踢邊似咬得入森巴兵團？
伊拉克留力10強賽實唔搏

另邊廂嘅巴西，國際體育會射手李安度達美奧、聖保羅中場盧卡斯洛迪古斯已經真正上位，最近喺皇馬回勇嘅卡卡亦獲得重召，加上新球王尼馬喺巴西淨數國足8蛋場熱身賽大演帽子戲法，以表現令所有批評者收口，卡卡難得可以同尼馬拍檔，唔把握機會「騷哥利」點得呀？

上個月山度士以2:1打沉哥列迪巴，尼馬表演4秒扭5個入波，近日又有視頻流出，睇見尼馬大跳全球熱爆嘅「江南Style」舞步，心情靚爆隨時又有驚世表現。唔好忘記近排巴西連辛尼特射手侯克，都要做後備「讓位」畀尼馬做大佬，今次對住國民偶像薛高，相信會踢出最強Style致敬！
歐U21賽制

賽事採主客兩回合制，現為附加賽首回合。兩回合計打和，將計算作客入球，未分勝負將於次回合法定時間後加時30分鐘，加時階段仍計算作客入球，仍未分勝負則以互射12碼決勝。