斯洛文尼亞有前冇後吼大

猪拉多纳

今日Macot講番祖家球隊斯洛文尼亞，喺世盃外圍賽歐洲區E組主場迎戰弱旅塞浦路斯，理應打開今屆勝利之門，不過主Ｗ熱到1.4倍欠捧場價值，呢場我預測斯洛文尼亞會贏，但防線太曳好難唔失波，1.95倍大盤可作出擊重心。（周六凌晨2時45分開賽）
馬達夫斯遇塞浦路斯超晒班

斯洛文尼亞今屆外圍賽至今表現令人失望，至今兩戰全敗仲未有分，雖然呢班波有相當潛力，但我認為佢哋暫時冇條件挑戰一眾強隊，主要原因好明顯：球隊防線實在太曳，球員一時間無法適應新帥史杜贊奴域所採用嘅攻擊陣式，經常失埋啲不必要嘅波。

不過斯洛文尼亞強項係進攻，其中喺荷甲燕豪芬紮起嘅23歲射手馬達夫斯，已經具有足夠級數攻陷歐洲勁旅，今晚對住塞浦路斯係佢嘅show time！

斯洛文尼亞喺2012年嘅比賽每場平均總入球達到3.2個，今場對手塞浦路斯實力差一皮，作客尤其係佢哋嘅弱項，今場我相信斯洛文尼亞最低限度可以取得兩至三個入球，但防線亦冇本錢保持清白之身，今仗我估計斯洛文尼亞會贏，雙方都有波入，入球大係投X首選，心水波膽係3比1。
Macot推介：

斯洛文尼亞大 ★★★★

瑞士勝 ★★★★

波斯尼亞下盤 ★★★