厄瓜多爾高原玩殘智利

猪拉多纳

歐洲各大聯賽、歐聯打得如火如荼，對於國際賽亦有影響，傳統足球強國陣中主力多數効力大球會，喺現時賽程頻密嘅情況下，球星踢太公波隨時留有一手，肥叔對名牌球隊有顧慮。今次重心推介世界盃外圍賽南美洲區，厄瓜多爾主場對智利，主隊嘅高原地利優勢萬試萬靈，讓半球上盤可以繼續追。（周六清晨5時開賽）

厄瓜多爾主場賽事安排喺首都基多舉行，當地位處海拔2,850米，高原空氣稀薄，令客軍戰鬥力大減，唔好話智利，就算巴西、阿根廷作客厄瓜多爾，球員喺場上往往疲於奔命。厄瓜多爾雖然只有呢招獨步單方，但都夠晒用，佢哋今屆外圍賽主場四戰全勝兼冇失波，已經係信心保證。
英倫內戰吼威爾斯

歐洲區方面，比利時近年人才輩出，球員好波兼且年輕，充滿活力，作客青黃不接嘅塞爾維亞，有得受讓平半，下盤抵玩。英倫三島內戰威爾斯主場對蘇格蘭，有打吡味道，主隊一定特別落力，平手盤要威爾斯。另外，冰島作客表現奇差，今次到訪阿爾巴尼亞受讓亦制唔過，寧要主隊上盤。
肥叔心水

阿爾巴尼亞 上盤

羅馬尼亞 下盤

白俄羅斯 下盤

馬其頓 下盤

比利時 下盤

威爾斯 平手盤

厄瓜多爾 上盤