英格蘭U21o靚星發「維」

猪拉多纳

今晚至明早有成三十幾場波玩，難免會花多眼亂，不過阿King對英格蘭U21主場迎戰塞爾維亞U21之役特別有心水，呢支「幼獅」擁有多名英超球星，為殺入明年U21歐國盃決賽周必搏盡，實力決心兼備，有力於首回合先拔頭籌，「讓球主勝」穩陣，可用作過關。

（now 633周六凌晨1時直播）
近10主場9Ｗ

呢場係U21歐國盃第二階段附加賽首回合，勝出者便能進身明年的決賽周。由於之前帶領英國隊於倫奧失利，搞到英格蘭U21領隊皮雅斯冇晒飛士，今次率「幼獅」實在不容再失，雖有守將尼達利基尼同中場蘭斯貝利傷出，但他亦徵召了近期於利物浦搶盡風頭的快翼史達寧，其於邊路極強的突破能力，勢必成為「阿皮」的進攻利器，連同紅軍隊友舒維爾、曼聯中場尼克包維等，儘管塞爾維亞U21表現唔曳，但「幼獅」近10主場贏了9場，作客要全身而退非常困難，因此「讓球主勝」捧得過。

另一場捷克U21對俄羅斯U21，主隊在分組賽階段8戰只失3球，而俄羅斯U21首回合作客首要目標是力保不敗，戰術應會傾向保守，捧入球細。最後一關世盃外歐洲區C組賽事，瑞典同組有德國、愛爾蘭等勁敵，今仗難得作客遇弱旅法羅群島，以射手伊巴謙莫域的級數，一定盡數冇留手，就算要讓到兩球都冇有怕，「讓球客勝」值博。

猪拉多纳