塞爾維亞面目全非 撐比利時

猪拉多纳

今晚世界盃外圍賽歐洲區A組兩支不敗雄師相遇，由塞爾維亞主場迎戰比利時。主隊今次名單只有7個球員具超過10場嘅國際賽經驗，領隊米赫洛域賽前更講明起碼有8個位置會作出調動，試問點夠對面夾慣夾熟兼愈戰愈勇嘅比利時鬥？今晚客W仲要有2.82倍咁好分，相當抵捧！

（開賽時間：周六凌晨2:30）
夏薩特 迪比利弗爆

塞爾維亞今仗中前場人腳近乎面目全非，只係留番前曼聯球員蘇蘭托錫喺度領軍，不過此子當年喺「紅魔鬼」踢唔掂，最後要出走莫斯科中央陸軍，小弟就唔覺得佢夠料帶領一班副選踢出超水準。雖然後防仲有蘇保迪、高拉洛夫同伊雲洛域坐鎮，但前者今季大跌Watt，喺多蒙特甩漏甚多，至於高拉洛夫又一向攻強守弱，條防線想減輕龍門負擔似乎難啲！

另邊廂嘅比利時今晚雖有隊長高柏尼打柴，好彩仲有華美倫同維頓漢，甚至老將雲拜頓鎮守後防，要擋住塞爾維亞一班後備完全冇難度，加上一眾攻擊好手好似夏薩特、迪比利今季狀態神勇，入波停不了，對住大執位嘅塞爾維亞，貪心啲直取2.82倍客W不失為過！

世盃外歐洲區A組