紐迪高送上門益晒哥列迪巴

猪拉多纳

今次睇中場巴甲賽事，哥列迪巴主場對紐迪高，兩班波睇落級數差不多，紐迪高位列中游，但佢哋作客曳到冇朋友，現時係巴甲作客No.1客場蟲，衰開有條路，一於繼續反，熱捧主勝！（周四早上6時30分開賽）
紐軍係巴甲作客蟲

紐迪高目前位列中游，冇得爭入前列，同時又不愁降班，高不成，低不就，去到季尾壓力唔大。紐迪高成績唔上唔落，主要因為作客唔掂，呢班波聯賽作客十五戰錄得一勝兩和十二負，踢到依家先得五分，位列巴甲作客榜榜尾，客場戰鬥力根本未及巴甲水準，大軍近四戰贏三場，全部都係主場賽事，今次作客完全係兩回事，睇怕都係惡唔出樣，捧哥列迪巴！

同日巴希亞主場對彭美拉斯，彭美拉斯又係正宗客場蟲，近九次作客輸八場，戰績真係慘不忍睹，佢哋近三場輸晒，仲要一球都入唔到，攻力太弱，今場都係捧對家啦！另外，波圖基沙主場對法林明高，法林明高今季戰績麻麻，又係衰在作客唔掂，近五次作客出戰輸四場，演出好差，今戰欠缺反彈本錢，呢場要主勝！