賀芬咸夠雷氣

猪拉多纳

剛打完國際賽冇耐，各地聯賽又重燃戰火，日前德國隊畀瑞典連追四粒逼和，被批評缺乏鐵血韌勁，但今晚德甲有支球隊鬥志十足，就係賀芬咸，該隊的年輕中場波利斯胡錫域早前撞車垂危，搞到成隊波冇晒心機，但佢近日已經脫離危險期，昨日醫生更預期有機會喺未來幾日從昏迷中甦醒，球員亦獲准於下周前往探望，眾將聲言今場為胡錫域而戰，士氣高昂，主場對住包尾的格雷特霍夫贏面高，主勝有1.77倍咪嫌少。

（有線64及204台周六凌晨2時30分直播）

另外，在德乙持續復甦的哈化柏林，前線的阿祖安拉莫斯同賓哈迪拉壓陣，作客陷於低潮的波琴冇有怕，客勝有計。（有線64及204台周六凌晨零時直播）最後法乙榜首大戰昂熱對摩納哥，兩軍為爭升班一定搶攻求勝，大盤好路。