拜仁半場收里檔

猪拉多纳

歐聯F組賽事，拜仁慕尼黑作客鬥里爾，拜仁剛剛創下德甲史上最佳開季成績，士氣、狀態達巔峰，而且佢哋上輪爆冷作客不敵巴迪，今次相信會打醒十二分精神。里爾今季演出大倒退，分組賽兩戰全敗已淪為此組魚腩，客W有1.43倍咪嫌少，「半場客勝」亦玩得過。

（有線63及203台周三凌晨2時45分直播）

拜仁上周末作客大勝杜塞爾多夫5比0，聯賽8戰全勝，創下德甲史上最佳開季成績，雖然箭頭馬里奧高美斯繼續養傷，不過新加盟嘅文迪蘇傑已經證明有足夠實力取代佢嘅正選位置，加上中場卻奧斯今季大熟大勇，配合近期腳風好順嘅列貝利及湯馬士梅拿，攻力可謂無堅不摧。拜仁今季於所有賽事踢12場贏11場，唯一輸波就係上輪分組賽輸畀巴迪，呢場輸波亦令佢哋喺呢組跌落小組第2，由於佢哋之後仲要作客鬥出線假想敵華倫西亞，故此對住榜尾嘅里爾唔可以有失，否則出線隨時有變數。
里爾今非昔比

相比拜仁，里爾今季於法甲表現可謂一無是處，近8場聯賽僅得1勝，面對特魯瓦、南錫、尼斯等下游隊伍都贏唔到，直接打擊了球員信心，所以頭兩輪歐聯分組賽輸波唔係冇原因。里爾如果想保住出線機會，今場一定要全力求勝，但面對來勢洶洶嘅拜仁，勉強搶攻恐怕會輸得更快，客W有1.43倍固然係穩陣之選，拜仁今季11場勝仗有9次半場領先，1.93倍「半場客勝」亦值得捧場。