布力般獵殺貓頭鷹

猪拉多纳

今日有場單頭英冠賽事，布力般流浪力足贏波重回勝軌！球隊今輪主場出擊鬥錫周三，客軍「貓頭鷹」防線豆腐到極，近八仗失十六球，門將卻克蘭受襲驚魂未定，布力般擁有「錫周三剋星」佐敦洛迪斯坐鎮，阿King認為主W手到拿來。

自堅恩被炒，布力般看守領隊比力克已經督師四場，僅取得三和一負成績，其中兩場仲冇波入添。但如果大家睇真啲，就知道其中三場係作客比賽，主場輸畀狼隊，表現亦唔算太走樣。布軍前鋒佐敦洛迪斯去季為哈特斯菲爾德單場轟入「貓頭鷹」四球，面對錫周三防線好大機會入波，取主勝。

美職肯薩斯體育會主場對費城聯，主隊已經殺入季後賽，近兩場都贏唔到，仲入得一球，今戰預計爭勝決心唔大，吼細盤。巴甲費古倫斯主場鬥保地花高，保軍近八次作客贏得一場咁大把，平手盤捧費古倫斯！