熱捧美斯冷敲梅迪薩卡

猪拉多纳

足智彩有四場「首名入球」開賣，提供一冷一熱畀大家。華歷簡奴對巴塞隆拿嗰場，熱到爆都無計，都係要揀番美斯。呢名射手不停入波，紀錄破完一個又一個，但早排囝囝出世，周中歐聯就由隊友搞掂，隔一隔又嚟料，如果嫌太熱，可以考慮吓華歷簡奴嘅里奧巴迪斯達奧，巴塞後防不穩，里奧巴迪斯達奧有望偷雞。

至於另一場心水提供阿仙奴對昆士柏流浪，呢排「兵工廠」前鋒腳頭無靈，不如博吓冷門，首選28倍嘅梅迪薩卡，梅迪薩卡每有死球都會上嚟助攻，有機會撞入第一球，次選中場辛迪卡索拉，佢嘅中距離射門夠晒勁，有時會撞中對方守衞改變方向入波，諗得過呀。