飛腳撼三箭「大」可放心

猪拉多纳

日職今周有場矚目大戰，排尾三大阪飛腳主場對榜首球隊廣島三箭，飛腳死到臨頭終於撻着，近期於主場戰績硬淨番晒，今次對住一哥三箭都要讓波，但呢隊波後防好得人驚，絕對靠唔住，今仗兩隊各有所求，大家都要爭分，今場實會鬥攻，即使大細中位數改成3.5球，要大盤！

(now 633周六下午1時開賽)

大阪飛腳曾幾何時屬日職超級勁旅，今季淪落到要護級確實好折墮，但佢哋依家只落後尾四嘅大宮松鼠1分，只要踢番出水準，仍然好有機會逃出生天。飛腳黑氣未除，踢到護級關鍵時刻又有主力射手佐藤晃大重創長抖，今戰仲有進攻主力倉田秋要坐波監，好彩兩大球星李安度蒙迪拉同家長昭博回巢後表現對辦，佢哋已經保持主場7戰不敗，唔怕同三箭鬥攻！日職榜首成單打獨鬥之局，廣島三箭畀仙台維加泰追到同分，僅以較佳球差壓住對手，已再冇失分空間。三箭由守轉攻速度極高，射手佐藤壽人把握力好，今季喺聯賽轟入20球，拋離晒其他對手。
近3對碰皆演入球騷

飛腳喺聯賽29戰失咗57球，失波數字僅少過包尾大幡札幌岡薩多，難擋三箭狂攻。兩隊近3次碰頭都係大手交易，最少嗰場都有5球進帳，即使大細中位數開到3.5球都照捧大盤可也！
日職推介

大阪飛腳大

浦和紅鑽大

FC東京大