華倫兵疲難讓貝迪斯

猪拉多纳

今晚西甲貝迪斯主場硬撼華倫西亞，前者一向鍾意打老虎，遇上逢踢完歐聯就腳軟嘅「蝙蝠兵團」，仲唔嗒晒糖咩？貝迪斯今仗有地利兼有得受讓，真係超筍，「讓球主勝」有買趁早。（now 632周日凌晨零時直播）

貝迪斯表現有幾飄忽難估，相信睇開小弟推介嘅球迷都略知一二，呢隊波可謂古靈精怪，唔單止盤路冇腳影捉，中場桑卡路士佩雷斯仲試過踢斷角球旗，認真騎呢。不過有一樣嘢冇變過，就係貝軍專打老虎，對親強隊都分外醒神，由於佢哋班波慣性被睇低，遇親名牌球隊必然會獲受讓之利，因此非常值博。
歐聯過後回唔切氣

華倫方面，雖然前鋒蘇爾達杜近兩仗轟入4粒，但佢哋周中啱啱踢完歐聯對巴迪嘅作客賽事後舟車勞頓，非常消耗球員體力，睇番之前兩次華倫打完歐聯後嘅作客聯賽全部輸晒，明顯班球員係回唔切氣，作客對住以逸待勞嘅貝迪斯未必頂得住，所以「讓球主勝」係斯維嘅是日首選。