|
意甲榜尾大戰錫耶納主場對巴勒莫。巴勒莫上個月已經換上加斯柏連尼執教,但改善幅度唔明顯,上任後5仗只得1勝。錫耶納戰績亦唔係好得幾多,但考慮到今仗有主場之利,有力W番場。
(周日凌晨零時開賽)
錫耶納3連敗係事實,但其中兩場嘅對手係勁旅祖雲達斯及拉素,輸得合理。但今輪對住同級球隊巴勒莫,錫耶納可以盡情發揮。實在錫耶納本年2月已曾大炒過巴勒莫,今次再贏都好正路。巴勒莫屬於小島球隊,主強客弱特性未變,今場難對主隊造成太大威脅。
AC夠贏熱拿亞
至於凌晨時段就有AC米蘭主場對熱拿亞,兩支球隊關係非比尋常,兩方球員經常互調,如今AC有難,熱拿亞自然會伸出援手。就算撇除陰謀論,AC近年喺聖西路對住熱拿亞都係贏多輸少,「紅黑兵團」心理上佔優。AC米蘭大紅人艾沙拉維已經講到明對住舊球隊絕唔會留手。另外巴西前鋒柏圖已經康復,AC米蘭攻力有所提升,「讓球主勝」開出機會高。
(周日凌晨2時45分開賽) |
|