沙田锦标三强鼎立

猪拉多纳

　　今日有3项盃赛上演，分别係第七场精英碗、第九场沙田锦标及第十场禄怡盃，盃王大摩都算誇张，在两项级际赛一共派出8驹迎战，真真正正大军压境，未跑已赢尽声势！但係作为马迷的你与我真係比较伤脑筋，唔知大摩究竟如何点兵，局外人好易捉错用神。

　　第九场大摩出马5匹，「讚惑」、「魔法幻影」、「卡达圣」、「军事出击」及「续领风骚」，件件都有实力，真係唔知佢个心度到咩计？！不过，佢点部署都好，呢场未必轮到佢打骰，因为同场另有3匹马其实好恶。

　　「雄心威龙」、「加州万里」和「精彩日子」，同样係极有级数而又擅跑中距离之马，而呢3匹马仲有一个共通点，就係牠们上季初出全部赢晒！休出威力非同小可。

　　至於上述3驹之中，边匹最有冠军相？睇隔夜飞的话，「加州万里」最冷落，十幾倍，似係一种「预警」？而「精彩日子」飞数热透晒，WP受到热烈捧场，可信程度相对地较大。Jack