銀河留力外卡賽益晒西雅圖

猪拉多纳

近兩季巴塞同皇馬總係幫到大家守住尾門，係翻身必然之選，但今季情況完全唔同，「地上最強」上周作客拉科入5球都可以贏唔到盤，而「銀河艦隊」今季亦都長期累街坊，上周中歐聯作客多蒙特僅讓平半，鬼盤味甚濃，結果半個盤都冇得剩，認真係便宜莫貪，想搵救命波翻身可能要諗諗美職。
西雅圖海灣者近13戰僅1敗

美職常規賽本周上演最後一輪，10支殺入季後賽嘅球隊，早於上輪賽事結束後已經塵埃落定，東岸尚且有名次之爭，但西岸就已經全無懸念，分列區內4及5位嘅洛杉磯銀河及溫哥華白帽，將會喺本周中一場過嘅外卡賽碰頭，衞冕嘅洛杉磯銀河為咗備戰呢場生死戰，聽朝主場對西雅圖海灣者肯定留力。

事實上，同時間要兼顧中北美洲冠軍盃嘅銀河，由於晨咁早就已經知道要由外卡賽打起，所以近期美職都hea住踢，聯賽已經3場未贏過，反觀對家西雅圖海灣者就硬淨得多，近13場比賽只係輸過畀常規賽冠軍聖荷西地震，今仗出戰有後顧之憂嘅銀河，1.78倍「讓球客勝」值得支持。（開賽時間：周一早上9:00）
足球重心：西雅圖海灣者（讓球客勝）、紐卡素（勝）

馬膽推介：10場(9)蒜頭仔

上仗季內初出即被捧成一面倒熱門，結果遇上慢步速仍能夠於外檔一攻而破，可以講得上係開季個多月以來姿態最驚人嘅頭馬，今仗增程至1600米仍然要追。