樸茅性感足球大解放

猪拉多纳

今次同大家研究一場英甲賽事，樸茨茅夫作客錫菲聯，樸茅愈執愈好，前面人腳唔錯，四大射手麥里奧特、洛捷斯、韋斯利湯馬士同艾舒利夏里斯都有士哥能力，但班波後防麻麻，攻強守弱，自然特別旺大盤。翻查往績，樸茅近十二場錄得十一「大」一「細」，入得又失得，今次對住錫菲聯又會大踢性感足球，玩入球大最好！

（周二凌晨3時45分開賽）

另外，葡超名牌士砵亭主場對科英布拉大學，兩隊上周中都踢完歐霸盃，消耗唔少體力，今場難望發揮最佳水準。Big3士砵亭名氣大，但今季演出走晒樣，近五場未贏過，現時位列下游，唔好睇得太高。經過連續四場作客後，士砵亭今次重返主場出戰，爭勝決心大，但佢哋近況欠佳，頂盡小勝，讓得多唔抵玩，不如改玩入球細啦！

（周二凌晨4時15分開賽）