勝利旋峰擬光榮退役

猪拉多纳

同上季埋單都係得十二Ｗ比較，英國籍練馬師胡森今季嘅成績明顯醒神好多，連埋尋日靠南非新秀霍勵賢建功嘅「勝利旋峰」，已經掃咗六W，跑咗兩個多月竟贏到上季一半嘅頭馬數目，認真唔簡單。
       
勝利旋峰大注落飛一放到底，胡森笑開懷。
胡森建議運返澳洲

雖然「勝利旋峰」今鋪贏到佢喺香港嘅第二W，但胡森賽後就話過兩日會同馬主建議，不如畀呢隻馬退役，事關佢話「勝利旋峰」今季跑三場有一冠兩季全入圍紀錄，但贏埋呢場就要升上三班，評分冇咁着數，加埋本身已經八歲，健康狀況又不嬲唔係咁穩定，既然難得終於贏番場，就建議馬主畀隻馬光榮退役。
       
胡森

胡森仲話馬主喺澳洲嗰邊有個牧場，如無意外「勝利旋峰」退役後會運番去澳洲頤養天年，對隻馬嚟講都係好事喇。