祖記拜仁過關脆脆哋

猪拉多纳

今日歐聯八場比賽當中有兩場欠缺菠菜價值，所講嘅當然係曼聯同埋巴塞隆拿，佢哋頭三輪賽事都贏波，揸住九分可謂威也吊燈籠，出線機會極高。基於兩支強隊都冇搶分壓力，今場鬥志出現疑點，不宜抱太大信心。其實Peter成日都話球季係好漫長，大隊更要應付多項比賽，稍作保留無可厚非。曼聯及巴塞今晚都唔係咁抵玩，Peter決定睇表演算數。

講到有鬥志，拜仁慕尼黑及祖雲達斯一定有。身處F組嘅拜仁與華倫西亞及巴迪都係六分，出線形勢極為緊湊，今次面對分組賽三連敗嘅里爾，拜仁勢必交出所有以攞足三分。至於E祖雲達斯主場對洛斯查蘭特，喺Peter心目中洛斯查蘭特應該係三十二強當中質素最差嗰隊，祖雲達斯只要肯放低包袱全心進攻，三分必成囊中物。如果球迷只求穩陣而唔介意賠率低，不妨整番條「拜仁祖記二串一」玩吓。
薩克達巴迪有冷味

數到有菠菜價值，一對東歐球隊薩克達及巴迪都諗得過。E組賽事車路士主場對薩克達，後者受讓可捧下盤。薩克達經常畀人低估，但其實佢哋班球員有質素之餘，教練盧捷斯古仲相當有料，呢個羅馬尼亞老教頭精通七國語言，與外援球員溝通絕對冇問題。Peter覺得球員與教練能夠互相了解，對場內發揮必有幫助，今場會畀到車路士一定壓力。至於F組西甲華倫西亞主場鬥白俄球隊巴迪，客隊一樣有能力搶分，巴迪曾於分組賽贏過拜仁，如今對住華倫西亞都唔覺下風，受讓可捧「讓球客勝」。

金句：贏輸和都得，不玩也罷！