紅魔歐聯煲慣魚生粥補身

猪拉多纳

歐聯完成頭3輪分組賽之後，暫有4隊錄得全勝，包括H組榜首嘅英超「一哥」曼聯，今晚造訪葡萄牙再鬥布拉加，不妨冷敲3.8倍「讓球和」。（有線61及201周四凌晨3:45直播）

兩軍兩個星期前先交過手，當時布拉加作客一度領先兩粒，不過曼聯今季一向福大命大，而且後勁特強，驚濤駭浪習以為常，以「紅魔」近14戰12勝嘅表現，今場即使作客仍然值得秤高。
12場勝仗9場開「讓球和」

當然曼聯今場僅讓平半，正正路路就係揀上盤，不過筆者寧可博冷要3.8倍「讓球和」，事關「紅魔」今季最鍾意煲魚生粥，12W有9場係僅勝1粒，當中包括之前3場嘅歐聯分組賽勝仗，咁好路不妨再跟。