紅軍o靚兵進貢安治

猪拉多纳

A組利物浦作客俄羅斯富豪球會安治，歐霸盃對紅軍嚟講只係雞肋，佢哋今季慣性於歐戰作客收起主力，呢次相信亦唔例外，兼且嚟緊要喺聯賽作客大戰車路士，領隊羅渣士要畀主將謝拉特及蘇亞雷斯抖足精神打大波，今次大軍得班二線兵，同首輪作客瑞士年青人一樣，雖然該仗佢哋贏5比3，但後防演出好唔掂，今次對住級數更高、對歐霸盃誠意十足嘅安治好牙煙，隨時畀伊度奧等貴價兵玩謝，一於捧安治主勝！雖然利記上仗主場贏安治，但臨場勁落飛，果然飛到波到，今仗隨時要還債o架！

（有線61及201台周五凌晨1時直播）
謝拉特放風想過皇馬

另外，利物浦神奇隊長謝拉特向來欣賞皇馬教頭莫連奴，近日佢忍唔住表明想跟莫帥搵食。