喜鵲作客擅於拉布

猪拉多纳

D組英超紐卡素作客比利時布魯日，布軍話就話需要搶分爭出線，但球隊近期表現頹爆，已連輸5場，想擊敗紐卡素談何容易，「喜鵲」仲有得受讓平半，下盤值得一試。

（有線64及204台周五凌晨2時直播）
布魯日頹勢讓唔起

布魯日分組賽3戰1勝2負，但其實只係落後第二位波爾多1分，未至於去到背水一戰嘅危急程度，爭勝慾望未必如想像中咁高。最大問題係佢哋狀態太差，包括上輪作客0比1不敵紐卡素在內，已經5連敗，陷入信心危機。以布魯日現時頹勢，遇上任何對手都冇必勝把握，更何況今仗要硬撼紐卡素。

紐卡素以7分位居榜首，兼冇失波，今場只要唔輸，出線機會相當高，幾大都會頂住。雖然「喜鵲」今季各項賽事8場作客未嘗一勝，但其實只係輸過畀車路士及曼聯，並非太失禮，所以有得受讓，下盤相當着數。