年青人狂攻夠甸追大

猪拉多纳

今輪歐霸盃有場重心賽事，Ａ組意大利球隊烏甸尼斯主場鬥瑞士大軍年青人，我認為呢場波好有機會開出大盤，入球大有1.82倍係超賠率，值得留意。

（周五凌晨２時開賽）

之前睇過烏甸尼斯同年青人喺分組賽表現，佢哋踢法都好進取。Ａ組兩支名牌球隊利物浦同安治被視為出線熱門，烏甸及年青人都被睇低，經過三輪賽事後，形勢仍然好緊湊，烏甸有４分在手，年青人亦有３分，大家都有機會出線，但大前提係今場要贏波，若然兩隊打成平手，只會兩敗俱傷。
和波攬炒無謂守

烏甸尼斯較為重視聯賽，相信會繼續輪換，派出部分副選球員，不過佢哋喺今屆賽事態度正面，顯示會方唔想放棄呢隻盃，主場出戰一定會搶攻。至於年青人就更加瘋狂，早前主場就同利物浦鬥攻輸３比５，絕對有能力喺陣容不整嘅烏甸身上取得士哥。

兩隊最大弱點係後防不穩，今場係典型對攻格局，本來以為莊家會壓低入球大賠率，估唔到仲有1.82倍，分頭算係唔錯，若然早段是但一隊先開紀錄，相信入波陸續有嚟。
Louis推介：烏甸尼斯大 ★★★