格雷特霍夫蓄銳博大慕

猪拉多纳

德甲升班球隊格雷特霍夫已經8輪不勝，淪落倒數次席，不過Leni睇到佢哋表現正不斷進步，今晚主場面對演出極反覆嘅疲兵慕遜加柏，係重響勝鼓嘅黃金機會，平手盤主隊值得支持。

（周一凌晨零時30分開賽）

格雷特霍夫近期所見無論防守同鬥志都有進步，雖然攻力一般，但教練佩斯堅斯夠進取，採用「４１３２」陣式，安排史泰比、艾加派比同沙拉亞3名進攻中場，呢個陣式經連場試練後已開始見到威力，前兩者近3場共有3個入球，分擔到前線兩名老將艾沙姆同干卡維斯嘅取分重任，佢哋最近連和3場對手愈嚟愈強，亦顯示本身進步，作客賀芬咸同法蘭克福都能夠後上追和，今晚主場有信心交出更好表現。
慕遜加柏遠征歸來未回氣

慕遜加柏今季表現反覆，暑期離隊球員對球隊太過重要，新加盟球員明顯未能接班，雖然老將艾蘭高近況弗爆，佢球隊上周中作客法國火併馬賽搏到補時至逼和對手，今仗匆匆再戰都幾難回氣，今晚面對養精蓄銳兼後勁十足嘅格雷特霍夫，隨時臨尾香。
Leni推介：

格雷特霍夫平手盤 ★★★★

馬賽讓球勝 ★★★

阿積士讓球勝 ★★★