烏拉圭勒住踢益晒波蘭

猪拉多纳

本周中有多場國際賽上演，其中一場喺凌晨時分進行為波蘭主場對烏拉圭。大家都知烏拉圭盛產進攻球員，但因佢哋喺國際賽經常勒住踢，尤其係無關痛癢嘅熱身賽，你都好難見到班大牌球星會使出真功夫。今次去到波蘭比賽，烏拉圭肯定有所保留，波蘭有望喺主場出擊有力贏波，主W值得留意。（周四凌晨3時45分開賽）
愛爾蘭希臘捱「細」界

烏拉圭陣容確係火力十足，兩大世界級射手蘇亞雷斯及卡雲尼都有入選，不過兩位球員都要為所効力球隊利物浦及拿玻里交代，故今場未必肯搏到盡。再講，烏拉圭近期成績都幾差，連同熱身賽及世界盃外圍賽已連續五場不勝，今場要作客贏波蘭有一定難度。查實波蘭人腳都唔差，包括多蒙特孖寶羅拔利雲度夫斯基及巴拉斯塞高斯基。二人今季喺德甲嘅表現搶鏡，絕對有能力射破烏拉圭大門，為國家隊爭取勝利。

另外愛爾蘭主場對希臘，細盤開出機會高。愛爾蘭喺意大利老帥查帕東尼帶領之下，戰術運用方面較為保守，少見愛爾蘭會主動搶攻。而希臘近年都係以穩守突擊為主，攻力唔算太強。實在兩隊都缺乏入球本錢，捧細盤。至於英格蘭足總盃告士打城主場對奧連特，主隊輸級數，客W機會高。