本命难违 勿对干

猪拉多纳

　　本命难违。唔係想神化所有事件，亦唔係搵唔到藉口解释，但有时候，某些事要发生，根本不由我们拗颈，不要问、只要信心态，唔算盲目，睇在条颈唔会硬过张刀物质定理，惟有接受现实支配。抱「宁死不降」，欲在比渺茫更渺茫机会之下博爆摊，唔係唔可能，次数有限囉。

　　中华宝宝赢完再出例冇P

　　日前赛事就有唔少呢类本命难违事件，服役幾季已获7W「中华宝宝」，多年来硬係赢完冇P，到今季仍然改变唔到，前季係咁，上季亦冇改变，唔理赢完再出係咪同一路程、同一骑师、赔率冷热，一一在翌仗跑唔到入前四名，试问又点可以拗颈？！

　　而今季全泥夜宴不利大热门，周中赛事再次重演，呢次比起10月那期更「凄厉」，事关该期仲有三幾匹大热门马跑到入三甲，今次则「直通车」，大热门无一倖免，因乜解救？我唔多清楚，趋势如此，唔通对干？无谓亦无意思，不如信邪，所以，明年3月20日那期沙田全泥夜宴，且看大热门命运係咪依然堪虞。

　　最为吊诡还是韦达搭柏宝Q，哗！马季举行了两个半月，1场Q未埋过，可以用甚麽科学和理性角度去解释？恕笔者神化吧，总之一日未重回正轨，不宜过於睇重，情願与呢条Q保持距离，反正韦柏Q通常唔会有肉食，中唔生肉，错过又如何。