出马22匹 气势惊人 大摩战驹恶到晓飞

猪拉多纳

　　大马房出马多，司空见惯，但历年来，单日数量有冇今日大摩咁多？我真係唔清楚，不过，可能係一项纪录，哗，出马22匹，数目差唔多可以自己包起两场沙田赛事嚟跑，唔好理大摩派咩马出战，或最终成绩如何，净係呢份气势，已经杀死人。

　　当然啦，讲到尾，单单赢声势係冇用！都要交到成绩出嚟，马多而成绩平平的话，随时畀人笑到脸黄，到时冇晒face，堂堂盃王仓口，冇理由唔知道呢个问题，所以，可以肯定大摩马房今日将会连场出击。

　　盃王冇可能唔「猴」住第七至九场，3场二级赛奖金唔少，实会吸引到大摩，但望落短途及一哩两场，摩廐马唔似赢得晒，反而，第七场情况唔同，「包装博士」、「魔法幻影」、「多名利」，真係要近绩，有近绩，要级数，有级数！呢场应该最有机会。

　　其馀场次，第四场「新力飞」，以及第六场「骊龙」，同样有赢马本钱，前驹胜在準，後驹转马房初出，在上手马房已连输两场，相信大摩亦唔想马主等，随时头围即搏。Jack