不來梅當起今晚食塞

猪拉多纳

其實小妹又真係唔多明白，點解11月中當各地聯賽打到如火如荼之際，啱啱周中又殺出一堆太公波出嚟，呢啲國際賽打嚟又唔係收練兵之效，反而仲增加傷兵嘅機會。雖然周中伊巴謙莫域有球世界波技驚四座，但最嚇死球迷首選荷蘭摸和德國，呢兩支攻力強勁球隊都算人齊，居然一粒都冇，買入球大嘅球迷都碰到一臉灰！

今晚德甲就有不來梅主場對住杜塞爾多夫，不來梅上場雖然輸畀史浩克，但其實睇番臨場演出就不亞於對手，史浩克更被迫到起腳機會都冇！再數對上三場不來梅都可保持不敗，近況唔錯。不來梅打番起，主因都係三線球員都比季初表現有所改善，尤其是係前鋒尼斯彼德臣，季初係敗家仔一名，最近反而愈戰愈勇，成為球隊一把尖刀！今晚除咗富斯因傷缺陣外，全隊候命上陣，值得支持。
杜塞爾多夫行緊衰運

杜塞爾多夫就真係唔多掂，球隊近六場聯賽只得兩分，剛賽只能與賀芬咸打和一比一，證明呢班波實力唔掂，咁惟有打士氣波搭夠囉。但衰在禾路連因為去咗夜蒲被處分，事件爆出後就肯定影響士氣。再加上陣中有般奴索拉斯、舒查軒、馬尼沙斯等球員受傷，照道理計，支持不來梅主勝都好正常啫！