軒轅勇將遲來先上岸

猪拉多纳

唔少馬迷對嗰啲延遲報名馬有戒心，事關覺得呢類馬可能係臨時拉伕性質。但係凡事冇絕對，尋日第二場四班1200米，葉楚航一早報咗隻「神幻金剛」，之後見呢組唔夠14隻馬報名，就搵埋今季專攻谷草嘅「軒轅勇將」入去，結果前駒閘前發脾氣退出，反而「軒轅勇將」就喺徒弟吳嘉晉胯下爆17倍冷W，變招得手。
       
葉楚航

葉楚航賽後話原來打算繼續畀「軒轅勇將」跑谷草1200米，但係見到呢組冇咩馬報，於是延遲報名加入博吓懵，點知賽前幾日有雨，幫到呢隻擅跑變化地嘅馬，佢笑笑口話估唔到個W冷成咁，可能啲馬迷唔記得「軒轅勇將」喺呢個路程贏過3W啩？