維拉鐵三角打爆雷丁

猪拉多纳

捱完地獄賽程好Sharp醒

曼聯、曼城跟住到阿仙奴，阿士東維拉呢排真係惡啃到不得了，地獄賽程終於捱過，表現亦都有番起色，今晚主場恭候雷丁當然易踢好多。既然以賓迪基為首嘅維拉三叉戟有本事搞到兵工廠後防風聲鶴唳，要砌低雷丁唔係好難啫，1.85倍主勝可以放心捧喎！

（有線200及300周三凌晨4:00直播）
雷丁反輸韋根士氣陷谷底

雖然話維拉家陣徘徊喺榜下游，但查實佢哋主場出擊幾硬淨，前仗臨尾香先反輸畀曼聯2:3，上場由賓迪基、安祖斯韋文同艾邦拉荷組成嘅鐵三角不知幾Sharp醒，幾乎贏埋阿仙奴咁滯，兩大強隊去到維拉公園都冇啖好食，雷丁想全身而退睇怕唔容易。

畢竟雷丁開咧至今只贏過1場，上仗反輸畀韋根2:3之後，領隊麥達莫坦白承認士氣陷入谷底，最慘係成隊至貴波糧嗰件普格恩耶克完全冇貨交，攻又唔得守又唔掂，憑咩同維拉鍊呀？