西布朗受讓筍到「雲」

猪拉多纳

踢到曉飛未調高評級

英超球隊西布朗季初踢到曉飛，贏到開巷，唔信唔信又贏一場，但由於佢哋本身評級唔高，贏極盤口及賠率都仲有好分頭，今次作客史雲斯又有得受讓，個盤抵玩到不得了，一於再追多鋪，要下盤！

（有線63台周四凌晨3時45分直播）
作客唔赦史雲斯

西布朗陣中冇乜球星，教頭奇勒作風好低調，但係呢班波打落好犀利，家陣位居前列，排名仲高過車路士同阿仙奴等名牌球隊，真係跌到一地眼鏡碎。呢類球隊唔起眼，就算戰績一流都keep住有好賠率，上次作客新特蘭受讓贏埋，今場仍然有得受讓，着數到暈，下盤值得捧場。
修咸頓大起諾域治

同日另一場英超修咸頓主場對諾域治，修咸頓開季成績麻麻，近期終於贏番兩場，呢隊波本身人腳確係唔弱，依家打番起信心，今次對住諾域治有條件添食，即使讓波都可留意，不過，佢哋後防始終都唔穩陣，最好都係補番個大盤！（有線305台周四凌晨3時45分直播）

另外，東南亞錦標賽近期開波，呢個賽事之前發生過唔少問題，一度被唔少行家列入黑名單，近年情況睇落稍有改善，但始終難以予人信心，絕對唔係出擊最佳場合。
肥叔心水

弗賴堡下盤、大

禾夫斯堡下盤

車路士上盤

修咸頓上盤、大

西布朗下盤

曼聯大

韋根下盤