|
|
仲以為廣島三箭早幾日喺揭幕戰會大開殺戒，點知只係見好即收，盡顯地主之誼，但踢落就霸氣欠奉囉！不過今日輪到另一支亞洲代表登場，我睇好蔚山現代能夠打開勝利之門，「讓球主客和」受讓當然值得支持，大膽嘅朋友仲可以大細注，博埋高水嘅主W添！
李根鎬今期亞洲最紅
蔚山現代喺上個月成為亞冠盟主，除小組賽不敗外，去到淘汰賽後仲以全勝姿態奪標，的確夠晒巴閉令人信服。蔚山現代能夠如此狂風掃落葉，多得教練金鎬坤用幾年時間打造呢支全攻型球隊，陣中鋒將李根鎬更以出色表現，擊敗鄭智等對手成為亞洲足球先生。佢同同鄉金信煜、巴西球員拉芬夏組成嘅攻擊組合充滿侵略性，門將金永光亦一夫當關。雖然佢哋只係首次參加世冠盃，但南韓飛過去日本真係夠晒近，比對手更無舟車勞頓之苦，所以我對蔚山現代充滿信心。
中北美洲代表參加世冠盃成績一向麻麻，對上兩屆都係首戰出局，而蒙特雷則係再接再厲，連續第二次參加世冠盃。其實大家都明，只要諗吓佢哋要飛越大半個地球到日本參賽，球隊實力又冇南美代表咁勁，往績差理所當然。希望蔚山現代能夠延續亞冠盃強勢，於世冠盃為亞洲區爭光啦！
Kit 推介：蔚山現代 讓球主勝 |
|
金睛卡
发表于 2012-12-9 08:19
变色卡
显身卡