巴塞抖足同貝迪斯做大騷

猪拉多纳

西甲班霸巴塞隆拿上場喺歐聯對賓菲加用副選一樣讓得多，仍然有唔少人死追名牌，結果佢哋和波輸盤，搞到熱門客損手。巴塞今晚作客貝迪斯繼續大幅讓波，成班主力抖夠搏殺，有力同對手合演入球騷，捧大！

（now 632周一凌晨4時直播）

巴塞隆拿上場罕有同對手互交白卷，場波根本只係例行公事，參考價值唔大。佢哋喺西甲已經拋離死敵皇馬，但現時仲未去到季中，唔會咁快放軟手腳，而且美斯傷勢冇大礙，可以復出搏殺破入球紀錄。貝迪斯近況大勇，早前曾經爆大冷贏皇馬，並非全無還擊之力，呢次對住巴塞亦唔會坐以待斃，相信呢場入波唔會少，先揀大盤，另外，貝迪斯受讓球半、兩球可博埋下盤。
馬體會飛勁大得起

同日另一支西甲勁旅馬德里體育會主場對拉科魯尼亞，馬體會上次硬撼皇馬輸波，證明佢哋始終未夠班挑戰死敵，不過，呢班波依家對住次級對手好有把握，主場出戰搏殺成功率極高，今次對住拉科讓到球半、兩球，個盤硬淨到不得了，佢哋火力強勁，贏波機會好高，估計呢場入波都會多，大盤值得捧場。
肥叔心水

利雲特上盤

曼城大

拖連奴下盤

錫耶納上盤

熱刺下盤

馬德里體育會大

貝迪斯下盤、大