薩拉戈薩受讓有計

猪拉多纳

西甲老江湖專簡波踢

今晚賽事雖然淡靜，但都有好嘢介紹，就係西甲獨腳戲華歷簡奴對薩拉戈薩，後者一向揀波踢，之前作客輸畀皇馬、巴塞甚至有留力之嫌，今仗作客對住實力平平的華歷簡奴，又到搶分時候，「讓球客勝」咪錯過。

其實華歷簡奴主場成績唔曳，近五仗贏三場，不過今仗面對西甲「老江湖」薩拉戈薩就唔係咁講，薩軍好有自知之明，對強隊時往往留力，全力於同級球隊身上搶分，葡萄牙射手普斯迪加上仗更重拾射門鞋，令攻力有番保證。睇番紀錄，薩拉戈薩近六次作客華歷簡奴未輸過，擺明唔赦你，今仗有力全身而退，受讓值博。

（周二凌晨4時開賽）
德乙科隆「大」起布倫瑞克

德乙方面，科隆演出重上正軌，成隊波愈踢愈有信心，前鋒安東尼烏查近三仗轟三粒，腳風奇順，不過作客的布倫瑞克絕非善男信女，為保榜首之位一定唔會縮，鬥攻格局梗係捧大。最後法乙二哥南特弗到爆，憑住銅牆鐵壁的防線，近八仗未輸過之餘，只係失了一球，非常穩健，作客中游分子克萊蒙特至少可頂住唔輸，「讓球客勝」有計。

猪拉多纳