|
|
意大利盃16強賽事，班霸祖雲達斯主場鬥卡利亞里。睇牌面「斑馬兵團」贏面極高，今仗唯一擔心係球隊出乜嘢人，以及鬥心如何！去屆意盃祖記一路殺入決賽，證明連盃仔都殺；球隊又人強馬壯，大把後備兵都極有卡士，拿仁認為「讓球主勝」有得諗！
（now 633及660周四凌晨4時直播）
今季意甲喺本地冇得播，相信好多意甲擁躉都好失望；今次有意大利盃直播，球迷總算有啲安慰。莫連奴走後，國米成績直線下降；貝老莫財後，AC又不成氣候，只有祖記最正氣，已成為目前當地足球代表球隊。佢哋本季於聯賽同歐聯都有良好表現，有餘力去爭埋意大利盃，大軍上屆於決賽不敵拿玻里飲恨，有理由相信佢哋今屆會捲土重來。
星級後備照贏卡利亞里
查實睇番祖雲達斯陣容，就知佢哋有好成績絕對合理，後備名單上有維達爾、馬特尼、賓特拿、保羅普巴等好手，教練干地就算唔夫添出擊，喺主場亦絕對夠殺，主W熱到得1.27倍其實好合理。卡利亞里冇火冇態，點秤都唔夠砌，加上近四對賽祖記贏三次，仲唔止贏一粒，捧「讓球主勝」啱數。 |
|
金睛卡
发表于 2012-12-12 10:06
变色卡
显身卡
楼主