拉科強襲華拉度列

猪拉多纳

搶分護級搏老命

拉科魯尼亞自從回升西甲之後，演出令球迷極之失望。開鑼至今只於聯賽取得兩勝，相信球隊都對今季唔會抱太大期望，護級仍會係球隊最大目標。本輪西甲拉科魯尼亞主場對華拉度列，基於華隊實力唔算太強，預料拉科魯尼亞會豁盡所有搶3分護級，主隊讓平半捧上盤。

（周二凌晨3時開賽）

十幾年前拉科魯尼亞曾經紅極一時，當時憑法莫路施華、馬卡爾及查明夏等高質球員，成功打破巴塞皇馬壟斷局面而贏得99/00年度聯賽冠軍。當時拉科魯尼亞更曾被球迷票選為其中一支最具娛樂性球隊，風頭一時無兩。但自04/05年度球季起成績就不斷下滑，去季仲慘到要喺西乙比賽。雖然拉科魯尼亞已經不復當年勇，人腳質素亦與全盛期有好大差別。不過今季球員勝在肯拚肯搏，老將華拿朗以及里基狀態亦算平穩。憑着主場之利幫手，今場有望打破多場不勝走勢，上盤先揀。
荷乙靴蒙特炒起奧斯

另外荷乙賽事，阿高夫主場對阿梅爾城，選擇「讓球客勝」。阿高夫主場成績麻麻，數據上難讓對手，阿梅爾城有力搶分。最後靴蒙特主場對奧斯，「讓球主勝」可捧。靴蒙特近幾次主場對奧斯都能取得好成績，而且入球字都唔低，今場炒得起奧斯。